פֿון פּסח ביז סוכּות
אַ װוּנדערלעכע מעשׂה, דערצײלט פֿון אַ ייִדן, אַ פֿאַרברענטן שאַכמאַטיסט, אין אַ װאַרעמער געזעלשאַפֿט, אײנמאָל אין אַ קאַלטער װינטער־נאַכט, נאָך אַ פֿרײלעך קערטל און נאָך אַ גוטן צובײַסן.
ס'איז שױן געװען װײַט נאָך האַלבע נאַכט. װינטער־צײַט איז דאָס
געװעזן. די װעטשערינקע האָט זיך געענדיקט. דער טיש האָט געזאָגט,
אַז דער עולם האָט געכאַפּט אַ זאַט. די גרינע טישלעך זײַנען געװען
צעשריבן מיטן קרײַדל און פֿאַרװאָרפֿן מיט אָפּגעשפּילטע קאָרטן, פֿון
װעלכע עס קוקן אַרױס טײַז מיט מלכים און רײצן זיך: „אַצינד זײַנען מיר
דאָ!“... זעצן זיך נאָכאַמאָל שפּילן אַ װינט, אַ פּרעפֿעראַנס אָדער אַן
אָקע ― װאָלט געװען װי געװוּנטשן. האָט מען זיך אָבער געשעמט פֿאַר
זיך אַלײן ― ס'איז שױן געװען צו שפּעט. איז מען געזעסן גלאַט און
גערײכערט, געטרונקען שװאַרצע קאַװע און גערעדט לשון־הרע ביז ס'איז
אױסגעגאַנגען װערטער, האָט אײנער אַרײַנגעװאָרפֿן אַ װאָרט װעגן שאַך.
נאָך אים ― נאָך אײנער און נאָך אײנער. דערמיט האָט מען געװאָלט
פֿאַראינטערעסירן אײנעם אַ פֿאַרברענטן שאַכמאַטיסט מיטן נאָמען
רובינשטײן.
רובינשטײן איז אַ מסוכּנער שאַכמאַטיסט. צוליב שפּילן אַ שאַך
איז ער גרײט גײן צופֿוס צען מײַל, ניט עסן, ניט טרינקען, ניט שלאָפֿן
אַ נאַכט ― אַ געפֿערלעכער שאַך־שפּילער! פֿון זײַן שאַך־שפּילן גײען
אַרום מאַסן אַנעקדאָטן: 1) אַז ער שפּילט מיט זיך אַלײן גאַנצע נעכט
אין שאַך. 2) אַז ער האָט זיך דרײַ מאָל געגט מיטן װײַב איבערן שאַך.
3) אַז ער איז שױן אײן מאָל פֿאַרפֿאַלן געװאָרן אױף דרײַ יאָר צוליבן שאַך.
|
|
fun peysekh biz sukes
a vunderlekhe mayse, dertseylt fun a yidn, a farbrentn shakhmatist, in
a varemer gezelshaft, eynmol in a kalter vinter-nakht, nokh a freylekh kertl
un nokh a gutn tsubaysn.
s'iz shoyn geven vayt nokh halbe nakht. vinter-tsayt iz dos
gevezn. di vetsherinke hot zikh geendikt. der tish hot gezogt,
az der oylem hot gekhapt a zat. di grine tishlekh zaynen geven
tseshribn mitn kraydl un farvorfn mit opgeshpilte kortn, fun
velkhe es kukn aroys tayz mit melokhem un reytsn zikh: "atsind zaynen mir
do!''... zetsn zikh nokhamol shpiln a vint, a preferans oder an
oke ― volt geven vi gevuntshn. hot men zikh ober geshemt far
zikh aleyn ― s'iz shoyn geven tsu shpet. iz men gezesn glat un
gereykhert, getrunken shvartse kave un geredt lshun-hre biz s'iz
oysgegangen verter, hot eyner arayngevorfn a vort vegn shakh.
nokh im ― nokh eyner un nokh eyner. dermit hot men gevolt
farinteresirn eynem a farbrentn shakhmatist mitn nomen
rubinshteyn.
rubinshteyn iz a mesukner shakhmatist. tsulib shpiln a shakh
iz er greyt geyn tsufus tsen mayl, nit esn, nit trinken, nit shlofn
a nakht ― a geferlekher shakh-shpiler! fun zayn shakh-shpiln geyen
arum masn anekdotn: 1) az er shpilt mit zikh aleyn gantse nekht
in shakh. 2) az er hot zikh dray mol geget mitn vayb ibern shakh.
3) az er iz shoyn eyn mol farfaln gevorn oyf dray yor tsulibn shakh.
|
פֿון פּסח ביז סוכּות
אַ װוּנדערלעכע מעשׂה, דערצײלט פֿון אַ ייִדן, אַ פֿאַרברענטן שאַכמאַטיסט, אין אַ װאַרעמער געזעלשאַפֿט, אײנמאָל אין אַ קאַלטער װינטער־נאַכט, נאָך אַ פֿרײלעך קערטל און נאָך אַ גוטן צובײַסן.
ס'איז שױן געװען װײַט נאָך האַלבע נאַכט. װינטער־צײַט איז דאָס
געװעזן. די װעטשערינקע האָט זיך געענדיקט. דער טיש האָט געזאָגט,
אַז דער עולם האָט געכאַפּט אַ זאַט. די גרינע טישלעך זײַנען געװען
צעשריבן מיטן קרײַדל און פֿאַרװאָרפֿן מיט אָפּגעשפּילטע קאָרטן, פֿון
װעלכע עס קוקן אַרױס טײַז מיט מלכים און רײצן זיך: „אַצינד זײַנען מיר
דאָ!“... זעצן זיך נאָכאַמאָל שפּילן אַ װינט, אַ פּרעפֿעראַנס אָדער אַן
אָקע ― װאָלט געװען װי געװוּנטשן. האָט מען זיך אָבער געשעמט פֿאַר
זיך אַלײן ― ס'איז שױן געװען צו שפּעט. איז מען געזעסן גלאַט און
גערײכערט, געטרונקען שװאַרצע קאַװע און גערעדט לשון־הרע ביז ס'איז
אױסגעגאַנגען װערטער, האָט אײנער אַרײַנגעװאָרפֿן אַ װאָרט װעגן שאַך.
נאָך אים ― נאָך אײנער און נאָך אײנער. דערמיט האָט מען געװאָלט
פֿאַראינטערעסירן אײנעם אַ פֿאַרברענטן שאַכמאַטיסט מיטן נאָמען
רובינשטײן.
רובינשטײן איז אַ מסוכּנער שאַכמאַטיסט. צוליב שפּילן אַ שאַך
איז ער גרײט גײן צופֿוס צען מײַל, ניט עסן, ניט טרינקען, ניט שלאָפֿן
אַ נאַכט ― אַ געפֿערלעכער שאַך־שפּילער! פֿון זײַן שאַך־שפּילן גײען
אַרום מאַסן אַנעקדאָטן: 1) אַז ער שפּילט מיט זיך אַלײן גאַנצע נעכט
אין שאַך. 2) אַז ער האָט זיך דרײַ מאָל געגט מיטן װײַב איבערן שאַך.
3) אַז ער איז שױן אײן מאָל פֿאַרפֿאַלן געװאָרן אױף דרײַ יאָר צוליבן שאַך.
|