צװײ שלח־מנותן
א
ס'איז שױן לאַנג נישט געװען אין כּתרילעװקע אַזאַ שײנער פּורים
און אַזאַ װאַרעמער. עס האָט פֿאַר פֿרי געלאָזט דאָס אײַז, און פֿונעם שנײ
איז געװאָרן אַ טװאַן ביזן גאַרטל. די זון האָט געשײַנט. עס האָט געבלאָזן
אַ פֿױל װינטל. אַ נאַריש קעלבל האָט זיך אױסגעװיזן, אַז סע שמעקט
מיט װעסנע, האָט דאָס אָנגעהױבן בלעקען, פֿאַרריסן דעם װײדל,
אַראָפּגעלאָזט די מאָרדע און אַרױסגעלאָזט אַ האַלבן „מע!“ אױף דער גאַס
זײַנען געלאָפֿן שלענגלדיקע ריטשקעלעך אַראָפּ־באַרג, געשלעפּט מיט זיך
װוּ ערגעץ אַ שפּענדל, אַ שטרױ אָדער אַ שטיקל פּאַפּיר. אַ גליק, װאָס
אין שטאָט איז נאָך כּמעט בײַ קײנעם נישט געװען אױף מצות; אַנישט,
װאָלט מען געקאָנט מײנען, אַז ס'איז נישט פּורים, נאָר ערבֿ־פּסח.
סאַמע אין מיטן שטאָט, אין דער רעכטער בלאָטע, האָבן זיך באַגעגנט
צװײ מײדלעך, װאָס בײדע האָבן געהײסן נחמה, ― אײנע אַ שװאַרצע,
אַ געזונטע, מיט געדיכטע ברעמען און מיט אַ קורצער נאָז, די אַנדערע
אַ װײַסע, אַ קראַנקלעכע, מיט רױטע האָר און מיט אַ שפּיצעכיק נעזל;
אײנע אַ באָרװעסע, מיט גראָבע שװאַרצע פּולקעס, די אַנדערע כּלומרשט
אין שיך, װאָס האַלטן אָפֿן דאָס מױל און „בעטן עסן“; שײנע שיך!
אַז מע גײט, קװאַטשקען זײ און סע שלעפּט זיך נאָך אַ פּאָדעשװע, װאָס
גיט אַלע מאָל אַ ליאַסק מיט אַ קװיטש, און אַז מע טוט זײ אױס, װעגן
זײ אַ פּוד. דאָס איז געװען אַזעלכע שיך, װאָס מע זאָגט אױף זײ: „אײדער
אַזעלכע שיך, איז שױן גלײַכער באָרװעס“... בײדע נחמהס האָבן
געטראָגן שלח־מנותן, איבערגעדעקט מיט אַ װײַס סערװעטל, און צוגעהאַלטן
|
|
tsvey shlH-monesn
#
s'iz shoyn lang nisht geven in KTrilevke aza sheyner purem
un aza varemer. es hot far fri gelozt dos ayz, un funem shney
iz gevorn a tvan bizn gartl. di zun hot geshaynt. es hot geblozn
a foyl vintl. a narish kelbl hot zikh oysgevizn, az se shmekt
mit vesne, hot dos ongehoybn bleken, farrisn dem veydl,
aropgelozt di morde un aroysgelozt a halbn "me!'' oyf der gas
zaynen gelofn shlengldike ritshkelekh arop-barg, geshlept mit zikh
vu ergets a shpendl, a shtroy oder a shtikl papir. a glik, vos
in shtot iz nokh kemat bay keynem nisht geven oyf matses; anisht,
volt men gekont meynen, az s'iz nisht purem, nor orev-psH.
same in mitn shtot, in der rekhter blote, hobn zikh bagegnt
tsvey meydlekh, vos beyde hobn geheysn nekhome, ― eyne a shvartse,
a gezunte, mit gedikhte bremen un mit a kurtser noz, di andere
a vayse, a kranklekhe, mit royte hor un mit a shpitsekhik nezl;
eyne a borvese, mit grobe shvartse pulkes, di andere kloymersht
in shikh, vos haltn ofn dos moyl un "betn esn''; sheyne shikh!
az me geyt, kvatshken zey un se shlept zikh nokh a podeshve, vos
git ale mol a lyask mit a kvitsh, un az me tut zey oys, vegn
zey a pud. dos iz geven azelkhe shikh, vos me zogt oyf zey: "eyder
azelkhe shikh, iz shoyn glaykher borves''... beyde nekhomes hobn
getrogn shlH-monesn, ibergedekt mit a vays servetl, un tsugehaltn
|
צװײ שלח־מנותן
א
ס'איז שױן לאַנג נישט געװען אין כּתרילעװקע אַזאַ שײנער פּורים
און אַזאַ װאַרעמער. עס האָט פֿאַר פֿרי געלאָזט דאָס אײַז, און פֿונעם שנײ
איז געװאָרן אַ טװאַן ביזן גאַרטל. די זון האָט געשײַנט. עס האָט געבלאָזן
אַ פֿױל װינטל. אַ נאַריש קעלבל האָט זיך אױסגעװיזן, אַז סע שמעקט
מיט װעסנע, האָט דאָס אָנגעהױבן בלעקען, פֿאַרריסן דעם װײדל,
אַראָפּגעלאָזט די מאָרדע און אַרױסגעלאָזט אַ האַלבן „מע!“ אױף דער גאַס
זײַנען געלאָפֿן שלענגלדיקע ריטשקעלעך אַראָפּ־באַרג, געשלעפּט מיט זיך
װוּ ערגעץ אַ שפּענדל, אַ שטרױ אָדער אַ שטיקל פּאַפּיר. אַ גליק, װאָס
אין שטאָט איז נאָך כּמעט בײַ קײנעם נישט געװען אױף מצות; אַנישט,
װאָלט מען געקאָנט מײנען, אַז ס'איז נישט פּורים, נאָר ערבֿ־פּסח.
סאַמע אין מיטן שטאָט, אין דער רעכטער בלאָטע, האָבן זיך באַגעגנט
צװײ מײדלעך, װאָס בײדע האָבן געהײסן נחמה, ― אײנע אַ שװאַרצע,
אַ געזונטע, מיט געדיכטע ברעמען און מיט אַ קורצער נאָז, די אַנדערע
אַ װײַסע, אַ קראַנקלעכע, מיט רױטע האָר און מיט אַ שפּיצעכיק נעזל;
אײנע אַ באָרװעסע, מיט גראָבע שװאַרצע פּולקעס, די אַנדערע כּלומרשט
אין שיך, װאָס האַלטן אָפֿן דאָס מױל און „בעטן עסן“; שײנע שיך!
אַז מע גײט, קװאַטשקען זײ און סע שלעפּט זיך נאָך אַ פּאָדעשװע, װאָס
גיט אַלע מאָל אַ ליאַסק מיט אַ קװיטש, און אַז מע טוט זײ אױס, װעגן
זײ אַ פּוד. דאָס איז געװען אַזעלכע שיך, װאָס מע זאָגט אױף זײ: „אײדער
אַזעלכע שיך, איז שױן גלײַכער באָרװעס“... בײדע נחמהס האָבן
געטראָגן שלח־מנותן, איבערגעדעקט מיט אַ װײַס סערװעטל, און צוגעהאַלטן
|