lider

osip mandelshtam
iberzetsung fun rusish: Yoyl-Moyshe matveyev


kinder-bikher tsu leyenen bloyz,
bloyz mit kinder-makhshoves tsu blaybn.
al-dos groyse tseveyen, tsetraybn,
funem umet dem tifn - aroys.

kh'bin gevorn fun lebn toyt-mid,
un mir vilt zikh fun alts optsuzogn,
nor mayn oreme land holt gekrogn,
vayl keyn tsveyte gezen hob ikh nit.

af a hiltserner hoyde in sod
kh'hob gevigt zikh amol tsvishn tanen,
hoykhe beymer zikh tunkl dermanen
in tuman fun gedank-karohod.


            oyf an emal a likhtik-bleykhn
            april-gedakhte bloye tener,
                berezes - tsvaygn tsu di heykhn
                gehoybn in a shtiln demer.

        uzor geshlifener un fayner,
        a dine nets iz ayngefrorn,
            vi oyf a teler portselaynem
    a sharf gemel farkritst gevorn, ---
    
    ven s'tsukt im oys der moler liber,
tut af der hart fun gloz im farbn,
                ven koyekh zayner geyt ariber
        in gliver-umet funem shtarbn.


der guf z'geshenkt mir - vos tsu ton mit zayn
azoy fil eynik un azoy fil mayn?

far zayn un otemen - a shtile freyd,
tsu vem zol vendn ikh mayn danken-reyd?

ikh bin der gertner, un ikh bin di blum -
mir, tsvey asirem in der velt arum.

dos gloz fun eybikayt hot shoyn farhit
mayn otem varemen, mayn shtil geblit.

uzor an ayzener af shoybn-vent
vert ongeshribn un vert umderkent.

zol rinen di mutnekayt fun shoybn itst -
uzor der tayerer iz ayngekritst.