an opklayb fun moderne hebreishe lider

redaktsye
yidish: sh. berger

ober mayn libe

Khedve hrkavi


ober mayn libe iz nit in mayn koyekh
fun yam vu zi iz arayn.
der pakhed vos farfleytst zi tsu bislekh.
der vint vos shlept ire gedanken.
der zun vos shteyt hinter ir,
far ir un akegn ir,
di shlangen vos zi viklt ayn in di hor
ven zi geyt an arumgeringlte
mit shlofgevebn.
ire otemen un ire gezetsn.
di tsayt vos bahalt ir meshugas.
ikh ken mer nit. ikh ken nit.


hevl-lid num' 49

Zeli gurbitsh

dos kohl
iz
dos gantse

dos gantse iz nit keyn forem
s'iz a tsenter
fun im, fun same pintl, nemt zikh der kval

dos iz dos gantse

mit der filfakhiker muzik
natirlekh
in gantsn

fun dem moker, fun dem hartsn
gisn zikh
ale taykhn azoy fil taykhn zaynen eyn taykh

s'iz
dos kohl
vos heybt zikh vi a hevl vi zibn havolem in fli

gib arayn in dayn kohl
dayn
gantskayt

a veg fun shteyner, af a veg-nit-veg
gey


mizmor

Admiyel kusman

omeyn, zolst undz makhn far kleyntshike azelkhe. gor
kleyntshik, mir betn dikh, unter dayne groyse galaksyes.
omeyn, zolst undz makhn far gor kleyntshike, di greys fun a zrT,
      unter
di galaksyes. di zunen, un di milkhvegn, dem vaser, un dayner shtarker
      likht.

omeyn, zolst undz makhn mit an ander mos, kleyntshike azelkhe, nit zeevdik,
      nit farshtandik
un bekhlal nit zeendik vos du host un host nit. vos zol dikh arn? makh undz
pitsimonike, di greys fun a zeyres, un mir veln dikh loybn derfar,
      omeyn.