Rokhl kugelmas

fraytik in der bibliotek

fraytik.

hundert yungtlekhe farpakn a dire, kop af kop. un di tsimern nisht keyn groyse. dos likht --- fartunklt. der tuml --- shier nisht dershtikndik. di flesher --- shoyn leydik, tsevorfn freylekherheyt af shoyn iberfule mistkans. sigaretn-roykh, shveys, lakhn, narishe reyd. gufem klepike. zaytike blikn un halb ofene mayler. shpitslekh tsungen vayzn zikh aroys. s'dakht zikh hefker, nor s'iz nisht azoy. s'iz do eyn klal: dos tantsn.

me tantst. s'tut zikh keyn eyver nisht ruen. di gantse velt shpringt zikh aroyf un arop vi oyf shpruzhinkes. keyn ponem gefint zikh on a shmeykhl --- emes|dik tsi shiker|heyt gemakht. yo, a sakh zaynen shiker. ober me geyt dokh nisht firn keyn eroplanen. me tantst.

af der 120ster gas, tsvey blokn optaun, ganv|et men a kar. der kar gehert eynem a tentser. deriber vet er muzn aheym tsu fus, mit skripendike gelenken un moyre|vdike trit. gekumen iz er tsu forn mit aza oyfgehaytertn gemit --- er vet a hulye ton! a tentsl geyn! --- nor fargesn hot er tsu farshlisn di kartirn...nor --- me zet nisht foroys. me tantst!

di shkheynem beyzern zikh on af yene zayt vant. zey hern zikh nisht aleyn. me strashet mit der politsey, nor der politsey iz shoyn nimes der ganster ritual. me derhert a mesire fun der 120ster gas, kumt men tsu forn fun pretsinkt, me gefint --- vos gefint men oys? etlekhe minyonem yungtlekhe vos tantsn. rakhmone litslon. m'iz zikh mer shoyn nisht matriekh.

der diskdzhoki dreyt diskn. es rinen di ritmen durkh di vent, der padloge, der stelye. di hilkhers vign zikh mayse mispolelem.

un di lider? ven me hert zikh ayn tsu zey b|yekhides, af a bakvemlekhn fotel fun a laytishn stereo: ale notn, verter --- banale, shablonske, vi keyn eyntsikn kompozitor volt nisht ayngefaln nisht ibertsukopirn altsikeding fun yenems shlagerlid: "o. o. o.. beybi. beybi. beybi. kh'vil dikh itster. mamesh itster. shoyn dem moment. filst dem klap? dem klap? dem klap? klap? klap?"

nor me zitst nokh nisht in keyn fotel. me hert zikh nisht ayn tsu di verter. me leyent den poezye? me tantst!

af der 124ster gas af di trep fun a sobvey-stantsye, misht unter a kalike a bisl glaykol in zayn fleshl bronfn. er hot a kulye. nor eyne --- dem ziveg irn hot er shoyn oysgenutst af brenshtof.

tsvishn a meydl un der vant tantst a tsveyte meydl --- Rokhl --- mit ir nebekhdik penem|l tsu der ershters pleytses. azoy fil libe-gedanken bay Rokhl|en in hartsn, un fort kumt ir on shver arayntsudringen in yeners shteynernem hartsn, fun derklern zikh in libe shoyn opgeredt. di gantse libe-kampanye --- shver vi kriyes yam-suf...far di mitsrem.

nor zi tantst. hoykh zingt Rokhl. s'makht nisht, yene hert nisht, yene vil nisht hern. nor vos den? zi zol nisht zingen? di verter, davke di banale iberkopirte libelider, zapn in zikh ayn epes a poetishn koyekh: "beybi beybi beybi... #u #u #u..." s'makhn zikh bay ir di oygn tsu mitokh hislayves.

der diskdzhoki vil ongebn epes a yedie, nor dem mikrofon vilt zikh ibergebn nor a kvitshenish mit a skripenish mit a fayfenish. tomer epes vos vikhtiks? me tantst! zoln di nisht-tentser zikh farnemen mit vikhtike inyonem in ruikere rege|s.

nokh a rege un es shtelt zikh op in gantsn di muzik. taynes fun ale zaytn. "hey! vosi'? vu'z mayn muzik?" der didzhey tseredt zikh:

"Rokhl. telefon far dir. s'iz dayn mame."

er fartsit dem "a" fun "mame" un der oylem tsekhikhket zikh derfun. Rokhl farreytlt zikh. grod itster varft ir yene a blik. dos heyst a blik! halb ayzn, halb ayz, halb gey-mir-shoyn-in-drerd-arayn.

Rokhl aylt zikh durkhn modnem shtilshvaygenish tsum telefon un meldt zikh shtil.

"yo, mame?"

"vu bistu?"

"a...di bibliotek."

"tsen af der nakht, in der bibliotek? ot azoy, tokhtershi. a brokhe|le in dayn kepele. leyen vifl s'harts glust dir. nor farges nisht --- morgn in der fri geyen mir tsuzamen in shul arayn."

Rokhl tut a shtiln zifts. der tate iz a rabay bay a konservativer shul. er hot an eygene dire un iz a frumak biz tsepikenish, nor di mame mit Rokhl|en voynen vayt op, say geografish, say religyez. dokh geyen zey, di mame mit Rokhl|en, tsu mol in shul arayn, zey zoln nisht farshafn dem tatn --- un b|meyle der kehile --- tsu fil agmes-nefesh.

"ven vestu aheym?"

"bald, mame. nokh a tsvey-dray...bikher, un shoyn."

me nemt vider tantsn. bay Rokhl|en in der hant tsitert dos traybl.

der mames kohl vert sharfer. "vos heyst 'bald'?"

"a sho."

"gut. farges nisht dayn mantl."

zi hengt oyf dos traybl. eyne a khaver|te git ir a freg, umfrayndlekh: "vos hostu ibergegebn dem numer? vos, bistu a maser?"

* * *

di mame hot zikh shoyn gehat geleygt, nor zi git Rokhl|en a shray oys vos dergrekht biz tsu der fodershter tir: "shoyn in der heym! itst ken ikh shlofn..."

a tentserkes kop tut a klap afn kishn un es kholem|t zikh bay Rokhl|en dem rabays:

a bime a breyte baputst mit blumen. tsvey omedn --- afn rekhtn ligt a seyfer-toyre.

Rokhl zitst fun hintn mit di zkeynem, ober fun dortn zet zi nisht ver s'iz bal-krie. shtelt zi zikh oyf un geyt nenter. shoyn zet zi a hoykhn, vi der tate, a gelblekhn, vi der tate, mit modne kleyninke oyern, vi baym tatn. nor nisht der tate iz baflekt mit broyn, nisht er hot tloen un a langn bershtldik-tseshoybertn ek.

heyst es, der bal-krie iz a dzhiraf. der gabe, Rokhl|s akhzoryes|dike, halb meshuge|ne nisht-libe, zogt oys b|kohl-rm: "taamoyd Rokhl|s mame---"

iz di mame aroyf af der bime. zi makht op di brokhes un di kongregatsye git op a gliklekhn "omeyn," nor der dzhiraf nemt nisht leyenen. me tsemurmlt zikh. di gaboem shushkenen zikh un titshen dem dzhiraf, vos kukt zikh vayter um un shvaygt. s'rayst zikh Rokhl fun ir ort un git a shray:

"a dzhiraf redt nisht! velkher khokhem hot oysgeklibn a dzhiraf far a bal-krie?!"

itster farhust zikh der dzhiraf un nemt take leyenen, oysterlish feyglish sheyn. di gaboem krimen zikh af Rokhl|en beys der bal-krie vorket:

"u|yedaber hashem el Rokhl leymer --- "nem dem dzhiraf er zol bal-krie zayn. her nisht di narishkeytn fun dayn nomen-khaver|te vayl zi iz a tentserke a loy-yutslekh un vet keyn mol nisht hobn keyn gelibte."

"khazak!" ruft zikh op di kongregatsye. "emes!"

nokh di nokh-brokhes ruft dos meydl nokh a mol: "yaamoyd fred kaldvel sheyni!"

Rokhl git a kler. fred kaldvel? dos iz zikher nisht keyn yidisher nomen ---

es paradirt der diskdzhoki durkhn zal tsu der bime. mit a mol --- tsi iber dem ibervigndikn koyekh funem diskdzhokis kharizme, tsi tsulib dem, vos dos shtile zitsn in shul iz shoyn nimes gevorn, shteyt oyf di gantse kongregatsye , reyenvayz, un nemt zingen dos hoyptlid fun "raki," a boksfilm. s'loyft shoyn der diskdzhoki, mayse olimpisher atlet. mit bren makht er mit di foystn. me aplodirt. es tut der diskdzhoki a shprung iber ale bime-trep un lozt zikh arop mit a geshrey:

"#u #u #u! lomir ale tantsn!"

me hot take a kheyshek a tentsl tsu geyn --- vayber nemen arop di hit, kinder --- di shikh. nor af an umgerikhtn oyfn hakt fred op di nor vos geboyrene simkhe mit a hant un a vort. "koydem vil Rokhl|s mame khapn a shmuesl mit ir tokhter."

me tsefayft zikh. finger taytlen af Rokhl|en. fred tupet umgeduldik mit di fis. di mame geyt tsu tsu Rokhl|en un tut a zog: "tsayt oyftsushteyn, tokhtershi, un in shul arayn..."

* * *

a bime a breyte, baputst mit blumen. Rokhl --- in an umbakvemlekhn groy kleydl un a brazyer, vos es bayst ir derfun. ir hitl gefint zikh nisht keyn ort. di mame trogt perl un an elegante ovntkleyd, vi zi geyt af a bal. s'iz nisht pasik. me taytlt mit di finger. "ze, vi di rebetsin geyt."

der shames zogt Rokhl az zi vet zayn bales-krie. nisht tsufil lib hot zi der shames, un er veyst di vintsikayt fun ir ivre. koym koym vos zi krikht adurkh an aliye on tsu fardreyen di verter. zi vil zikh opzogn, nor der tate vet zikh kveln fun aza demonstratsye.

sof-kol-sof iz Rokhl ponem el ponem mitn seyfer-toyre, vos batrakht zi mit zayne insektn-oysyes. links un rekht|s --- gaboem. fun hintn --- der shames. mistome lakht er in arbl. Rokhl vil shoyn leyenen, abi optsushpiln vos gikher di bushe, nor koydem vil der tate (der rabay, heyst es) zogn epes toyre. vi bay a sakh andere rabays, iz dos shaykhes tsu der parshe knap. der tate heybt on tsu redn vegn Rokhl|en. "me vil nisht tsugebn az di hayntike kinder zaynen punkt azoy inspirirndik vi di, vos fun zey zaynen noyled gevorn undzere greste rabonem un geoynem. mayn Rokhl iz a bayshpil." er git a makh in Rokhl|s rikhtung mit a geler, darer hant. "zi zitst gantsene teg in bibliotek un lernt, mit aza hasmode..."

der oylem shvaygt. der shames git a krekhts un iz mekabed di mitzitser af der bime mit a genets.

enlekh ruft men oyf emetsn --- es geyt Rokhl|en nisht on ver. beshas me brokhe|t khapt zi a letstn blik afn tikn-l|koyrem. a tsiterndikn "omeyn," un zi lozt di oygn arop in dem parmetenem, midber|dikn oysyes-yam.

s'vilt zikh ir mitamol khalesh|n. zi leyent flisik, vi nokh keyn mol frier. nor ~v~o~s~ zi leyent! zi gleybt nisht di oyern, di oygn. ober se shteyt dokh befeyresh geshribn:

"oz yashir Moyshe uvney yisroyl: beybi beybi beybi lomir ale tantsn filst dem klap, beybi? tants mit mir! shveys iz dokh ziser fun floymen un marantsn un dayn blik iz mir liber vi bir...

pare hot fartsaytns a plyukh geton in yam un mir tantsn haynt mit a roknrol-tam!"

Rokhl khapt b|shtike a kuk af der kongregatsye tsvishn psukem. nor zi dremlt. keyner vayzt nisht aroys dem mindstn simen fun shok. di mame, in der ershter rey, shmeykhlt veykh un shoklt far|kholem|terhayt mitn kop. a meydl, sheyn un epes ir bakant, ganv|et zikh tsu tsu der mamen un nemt bay ir op di perl. zey ongeton af zikh, nemt zi tantsn vild, b|harkhove. vi nisht iz veyst Rokhl, az dos o meydl vet bald nelm vern. nor vos ken zi ton? zi muz leyenen. leyent zi.

mafter. opgeleynt. zi git a kuk fun der bime aroys --- oys meydl. zi geyt tsurik tsum ort. "yasher-koyekh, yasher-koyekh," hert zi. oys meydl, klert zi. oys meydl!

di mame bavundert ir bkies in leyenen.

Rokhl ken nisht vartn biz nekstn fraytik.