alis in vunderland, kapitl 3
luis kerel
yidish: sh. berger
di koges|shpil un di lange mayse

a modne mesibe hot zikh tsunoyfgeklibn oyfn breg: feygl mit tsekvatshete federn, khayes mit klepike peltsn, un yeder fitsh nas, b|roygez, un umbakvem. der iker --- zikh oystrikenen. me hot zikh baratn vegn dem. nokh a minut tsvey hot alis geshmuest gor khaver|ish mit a por fun di khayes, glaykh zi volt zey shoyn gekent a lebn lang. zi hot zikh afile geampert mit der lori vegn epes an inyen. di lori hot fun ir tsad mernisht ongeblozn zikh un gezogt, ''kh|'bin elter vi du, veys ikh beser,'' nor azoy vi alis hot faktish nisht gevust vi alt di lori iz, hot zi nisht gekent maskem zayn. un makhmes di lori hot zikh enlekh opgezogt fun entfern af d~e~r frage, iz nisht geven vos tsu zogn.

l|sof hot di moyz, vos hot dakht zikh gehat a shtikl deye, oysgerufn:

''zetst zikh avek un hert! ikh vel aykh shoyn bald oystrikenen!''

ale hobn zikh avekgezetst in a groysn krayz mit der moyz in mitn. alis hot nisht opgerisn di oygn fun ir, vayl zi hot gedenkt, az oyb zi vet zikh nisht af gikh oystrikenen vet zi avade zikh farkiln.

di moyz hot ongehoybn. ''trikener fun dos hob ikh nisht. leygt kop:

'di hemshekh|dikayt fun roymish-laz|ish biz in mayrev-laz|ish arayn (d''h mit andere verter: di vertikale bindung, vi blondheym hot zi maseg geven, antkegn der horizontaler) lozt zikh oyfvayzn in der sistem klangen oykh...'''

''uf!'' hot gezogt di lori, un a tsiter geton.

''zayt mir moykhl!'' hot gezogt di moyz, mit a krum ponem, nor zeyer heflekh. ''ir hot gevolt epes zogn?''

''neyn, neyn!'' hot gemakht di lori, af gikh.

''dakht zikh mir, az yo,'' hot zikh ongerufn di moyz. ''vayter:

'...faran in di geshrift|sn fun tsorfos hipsh faln, vu verter fun ot dem tip zaynen oysgeleygt --- '''

''vu gefaln?'' hot gefregt di katshke.

''hipsh faln,'' hot zikh opgerufn di moyz epes b|roygez|lekh. ''ir veyst mistome vos dos iz azoyns, 'faln'?''

''kh|'veys gut vos dos heyst, faln,'' hot gezogt di katshke. ''ven s'kumt mir oys tsu faln, faln fal ikh merstns tsu der erd, oder in vaser arayn. fregt zikh ober: ver hot gefaln in tsorfos?''

di moyz hot nisht bamerkt, nor af gikh vayter geleyent: ''--- zikh oysgeleygt af an oyfn vos ---'' un zi hot zikh gevondn tsu alisn. ''vi filstu zikh itster, tayerinke? a bisl beser?''

''kh|'ken naser gor nisht zayn,'' hot alis geentfert af a umetikn ton. ''s'bavayzt mikh nisht oystsutrikenen b|klal.''

''in dem fal,'' hot der dodo zikh ongerufn af erntst, nokhn oyfshteln zikh, ''vil ikh forshlogn, az mir zoln doykhe zayn undzer asife, kedey ontsunemen mer energishe mitlen ---''

''redt yidish!'' hot gezogt di odlerke. ''kh|'veys nisht dem taytsh fun ayere groyse verter, un kh|'gleyb az ir veyst oykh nisht!''

di odlerke hot aropgelozt dem kop, kedey tsu bahaltn a shmeykhl; eynike feygl hobn zikh tsekhikhket.

''kh|'hob nor gevolt zogn,'' hot zikh ongerufn der dodo, a baleydikter, ''az oystrikenen zikh ken men af gikh mit a koges|shpil.''

''vos heyst a koges|shpil?'' hot alis gefregt. nisht azoy shtark hot zi gevolt visn, nor di dodo hot zikh opgeshtelt glaykh zi hot gevart ver zol entfern --- un keyner hot a ponem nisht b|deye gehat gornisht tsu zogn.

''nisht shoyn zhe ir hot keyn mol nisht geshpilt in koges?'' hot gefregt der dodo. ''nu, meyle --- dos beste oyfn fun derklern, iz dos shpiln!''

(un azoy vi ir vet efsher aleyn veln shpiln in koges, in eynem a vintertog, vel ikh aykh derklern vi azoy der dodo hot adurkhgefirt di shpil.)

ershtns hot er oysgetseykhnt a min loyfveg, in geshtalt epes a kaylekh aza (''der forem iz nisht der iker,'' hot er gezogt). demolt hot er di gantse khevre avekgeshtelt do un dortn af farsheydene erter ibern veg. ale zaynen zikh tseloyfn ven un vuhin nor me hot gevolt, un me hot zikh opgeshtelt ven nor me hot gevolt --- azoyernokh iz zeyer shver geven tsu visn, ven iz shoyn oysgeloyfn. fundestvegn, ven zey zaynen shoyn geloyfn a halb sho, un zaynen shoyn geven gut trukn, hot der dodo pluts|halbn aroysgerufn, ''oys shpil!''

ale hobn zikh arumgeklibn arum dem dodo, farsopet, un gefregt, ''nor ver iz der geviner?''

af der frage hot der dodo nisht gekent entfern biz er hot zikh gut ayngetrakht inem inyen, un er iz geshtanen af a langer tsayt, mit eyn finger ongeleygt afn bord --- mit aza geshtalt vi bay y. l. Perets|n, in zayne bilder --- beys di iberike hobn gevartn shtilerheyt. sof-kl-sof hot der dodo gezogt, ''a~l~e hobn gevunen, muzn a~l~e krign prizn.''

''nor ver zhe vet derlangn di prizn?'' hot gefregt mamesh a khor mit koyles.

''z~i , farshteyt zikh,'' hot gemakht der dodo, onvayzndik af alisn mit eyn finger. der oylem hot zikh teykef arumgeklibn arum ir, oys|shrayendik un shtupndik, mit eyn gepilder: ''prizn! prizn!''

alis hot nisht gevust vos tsu ton. a fartsveyflte hot zi aroysgetsoygn fun keshene a kestl konfetn (a glik, vos dos zaltsvaser iz derinen nisht arayngerunen) un zey ale derlangen vi prizn. s'iz geven far yedn eynem punkt eyns tsu.

''ober zi muz aleyn krign a priz, farshteyt zikh,'' makht zi moyz.

''avade,'' hot zikh opgerufn der dodo, zeyer erntst. ''vos iz do nokh bay aykh in keshene?'' hot er vayter gezogt, zikh vendndik tsu alisn.

''nor a fingerhut,'' hot alis troyerik gezogt.

''derlang zi aher,'' hot gemakht der dodo.

zey hobn zikh ale vider arumgeklibn arum ir, beys der dodo hot erntst farteylt dem fingerhut, beze h|loshn:

''mir betn aykh ontsunemen dem elegantn fingerhut ---''

un ven er hot opgeredt, hobn ale geshrign hura.

di gantse tseremonye hot alisn oysgezen lekherlekh, nor zey hobn ale oysgekukt azoy erntst, hot zi nisht dervegt tsu lakhn. un azoy vi s'iz ir gornisht ayngefaln, hot zi mernisht zikh a beyg geton, un ongenumen dem fingerhut, pruvndik aroystsuvayzn an erntst ponem.

vayter hot men gedarft esn di konfetn: dos hot aroysgerufn a rash un a plonter, vayl di groyse feygl hobn zikh baklogt, az zeyere hobn nisht keyn tam, un di kleyne hobn zikh geshtikt un me hot zey gedarft oppetshlen af der pleytse. ober me hot zey enlekh oysgegesn, un ale hobn zikh avekgezetst in a krayz, zikh shtark betndik bay der moyz, zi zol zey nokh epes dertseyln.

''ir hot tsugezogt tsu dertseyln ayer geshikhte, ir veyst,'' hot gemakht alis, ''un far vos ir hot faynt --- k' un h','' hot zi tsugegebn sheptshendik, halb moyre hobndik, di moyz zol zikh nisht vider baleydikn.

''di geshikhte mayne iz a lange, mit a troyerikn ek!'' hot zikh gedreyt di moyz tsu alisn, un a zifts geton.

''s'iz dokh a langer ek, ober far vos iz er a troyeriker?'' hot gefregt alis, un gekukt zikh khidesh|ndik afn moyzs ek. zi hot alts getrakht in dem beys di moyz hot geredt, azoy vi di mayse hot zikh ir gedakht ot azoy o:

in heys-dushnem hoyz
zogt r' hunt tsu r' moyz:
''lomir lodn zikh geyn!
torstu nisht zogn neyn ---
kh|'hob gornisht tsu ton.
ruf ikh dikh tsu a din!''
''vos fara zin,''
makht r' moyz,
''un vos fara tsil,
kh|'bet aykh, hot
a din, oder aza
gerikht, on keyn
rikhter, zhuri?''
es entfert
r' hunt:
''der rikhter
bin ikh,
mara-dasre
--- anokhe.
vel ikh
mishpet|n
glaykh un
hinrikhtn
dikh!''

''du herst nisht!'' hot gezogt di moyz tsu alisn af a shtrengn oyfn. ''vegn vos trakhstu itster?''

''zayt zhe moykhl,'' hot zikh ongerufn alis, gants shemevdik. ''dakht zikh, ir zayt dergangen tsum finftn ker fun ek.''

''nishto keyn kern!'' hot oysgerufn di moyz. ''vos redstu? vegn keyn shum kern fun ek redt men nisht!''

''umkern ayer ek?'' hot alis gefregt. ''avade, nor ver hot im aykh tsugenumen? tut mir derklern vos iz im geshen...''

''nar eyner!'' hot zikh ongerufn di moyz. ''ikh baleydik zikh, vos ir redt mit mir aza shtusem!'' zi hot zikh oyfgehoybn un a loz geton avek.

''kh|'hob es nisht gemeynt af erntst,'' hot alis farentfert zikh. ''nor ir veyst --- ir khapt zikh azoy gring baleydikn!''

di moyz hot nor a brum geton b|tshuve.

''zayt azoy gut, kumt tsurik un endikt ayer mayse!'' hot alis nokhgerufn nokh ir. un di iberike hobn mitgerufn: ''yo, kumt tsurik!'' nor di moyz hot mer nisht a shokl geton umgeduldik mitn kop, un gegangen a bisl gikher.

''a shod vos zi hot nisht gevolt blaybn,'' hot geziftst di lori, baldvi di moyz hot zikh mer nisht derzen. an alte rakikhe hot genumen di gelegnhayt af tsu zogn der tokhter, ''ze nor, tokhtershi, darfstu epes oplernen: keyn mol nisht vern in kas!'' ''halt dos moyl, mame!'' hot gemakht di yunge rakikhe, a bisl baysik. ''bay dir volt afile an oyster gevorn oyser zikh!''

''akh, halevay volt dine do geven,'' hot gezogt alis afn kohl, nisht redndik tsu keynem bazundersh. ''z~i volt zi bald opgebrakht!''

''un ver iz dine, oyb ikh meg zikh derloybn tsu fregn?'' hot gezogt di lori.

hot alis zikh bald opgerufn, vayl zi iz ale mol a baln tsu redn vegn ir shtub-khaye. ''dine iz undzer kats. un zi iz aza berye af khapn mayz, ir kent zikh nisht forshteln! un mit di feygl --- git zi a khap, un raybt ayn in an eyns un tsvey!''

alises reyd hobn mamesh aroysgerufn a sensatsye bay der mesibe. teyl feygl zaynen teykef avekgeloyfn: eyne an alte soroke hot zikh genumen forzikhtik ayntulyen, un bamerkt, ''ikh darf aheym --- di nakhtluft vet mir shatn dem haldz.'' un a kanarye, mit a kohl a tsiterndikn, hot aroysgerufn ire kinder: ''lomir geyn, kinderlekh! shoyn tsayt shlofn tsu geyn!'' azoy zaynen zikh ale tseloyfn mit farsheydenerley teyrutsem, un alis iz farblibn eynike aleyn.

''ikh hob nisht gedarft redn vegn dine|n!'' hot zi gezogt tsu zikh aleyn, more-shkhoyre|dik. ''keyner hot zi nisht lib do, dakht zikh mir, khotsh zi iz bay mir di beste kats af der gorer velt! oy, mayn tayerinke dine! ikh veys nisht oyb ikh vel dikh nokh vider zen!'' un alis hot zikh shoyn vider tseveynt, vayl zi hot zikh gefilt shtark elnt un niderik. fundestvegn, nokh a vaylinke hot zi derhert fun der vaytns a shorkhenish fun kleyne fiselekh. zi hot naygerik oyfgekukt, halb hofndik, di moyz zol hobn kharote gehat, un zikh umgekert af tsu derendikn ir mayse.

hemshekh kumt