fun mindl rinkevitsh
ladt men mikh ayn in a hoyz
elter fun mayn hoyz a dray mol... a tsen mol...
a dray mol a tsen mol di groys...
dos iz a hoyz nisht keyn dire.
hoykh iz dos hoyz, dray shtok di heykh,
dertsu nokh der keler, der boydem.
mayn dire iz ofener roym vos zogt bald alts oys.
dos hoyz hot tsu ton mit farvinklte vinklekh,
koridorn fardreyte, farmishte, vos veysn kemat nisht aleyn vu zey firn.
shpet bin ikh dortn farblibn, vayt fun mayn hoyz.
mid bin ikh gevorn.
vos mider alts vayter iz mir oysgekumen mayn ofnhartsike dire.
s'hot azoy zikh gevolt ibernekhtikn dortn,
in a tunkeln vinkl farkrikhn, dort vu di nakht iz nokh tifer,
bagegenen troymen azoyne, vos troymen zikh nor in vayter, farfinsterte erter,
un derzen vi s'zet oys a fartog aza heler, a shtarker,
a fartog genug shtark aza finsternish tsu fartraybn.