געשיכטע נומער זיבעצן
באַשערט אַן אומגליק
ברײטלעך און געלאַסן, מיט געפּערלטע װערטער, האָט אונדז דער־
צײלט אַ מעשׂה, טאַקע פֿון זיך אַלײן, אַ שײנער ייִד מיט אַ שבתדיקער
קאַפּאָטע און מיט אַ ברײטן דעניק אַפֿן זײַדענעם קאַשקעט און מיט אַן
אױסגעצװאָגן פּנים, אַביסל פֿאַרזאָרגט און מיט קנײטשן אַפֿן ברײטן
װײַסן שטערן:
― אַז ס'איז באַשערט, הערט איר, אַן אומגליק, טרעפֿט דאָס אײַך
גלײַך אין שטוב אַרײַן. איר מעגט זײַן מיט אַכצן קעפּ, װעט איר זיך
פֿון דעם נישט אױסבאַהאַלטן. איך בין מיר, װי איר זעט מיך, אַ ייִד
אַ ספּאָקאָינער, אַ רויִקער, כ'פֿלי נישט, כ'לױף נישט, כ'האָב פֿײַנט
קהלשע געשעפֿטן, איך אַנטלױף פֿון גבאָות, סנדק, חתן־בראשית, דאָס,
יענץ, וכדומה.
קיצור, דאַרף זיך טרעפֿן אַ מעשׂה, באַ אונדז אין שטעטל איז גע־
שטאָרבן אַ ייִד, „מנשה־גױ“, װאָרעם ער איז געװען, זאָל ער מיר מוחל
זײַן, אַ פּראָסטער נפֿש, נישט געקאָנט כּמעט דאַװנען, װי זאָגט מען עס,
קײן צלם פֿאַר קײן אַלף, נישט לײענען, נישט שרײַבן, נישט דאָס, נישט
יענץ, וכדומה.
קיצור, אַ פּראָסטער שלש־סעודות, נאָר אַן ערלעכער מענטש, אַן
אָרנטלעכער ביז גאָר; דאָס װאָרט איז געװען הײליק, יענעמס קערבל
קודש־קדשים, און קאַרג, קאַרג! ― זיך לאָזן אַרױסנעמען בײדע אױגן
פֿאַר אײן גראָשן, דאָס גאַנצע לעבן געקליבן געקליבן, געקליבן געקליבן
― און סאַמע אינמיטן... געשטאָרבן. מילא, געשטאָרבן ― געשטאָרבן.
|
|
geshikhte numer zibetsn
bashert an umglik
breytlekh un gelasn, mit geperlte verter, hot undz der-
tseylt a mayse, take fun zikh aleyn, a sheyner yid mit a shabesdiker
kapote un mit a breytn denik afn zaydenem kashket un mit an
oysgetsvogn ponem, abisl farzorgt un mit kneytshn afn breytn
vaysn shtern:
― az s'iz bashert, hert ir, an umglik, treft dos aykh
glaykh in shtub arayn. ir megt zayn mit akhtsn kep, vet ir zikh
fun dem nisht oysbahaltn. ikh bin mir, vi ir zet mikh, a yid
a spokoyner, a ruiker, kh'fli nisht, kh'loyf nisht, kh'hob faynt
khlshe gesheftn, ikh antloyf fun gbouT, sandek, HTn-breyshes, dos,
yents, ukhdoyme.
kitser, darf zikh trefn a mayse, ba undz in shtetl iz ge-
shtorbn a yid, "mnshh-goy'', vorem er iz geven, zol er mir moykhl
zayn, a proster nefesh, nisht gekont kemat davnen, vi zogt men es,
keyn tseylem far keyn alef, nisht leyenen, nisht shraybn, nisht dos, nisht
yents, ukhdoyme.
kitser, a proster shlsh-sudes, nor an erlekher mentsh, an
orntlekher biz gor; dos vort iz geven heylik, yenems kerbl
kudsh-kdshim, un karg, karg! ― zikh lozn aroysnemen beyde oygn
far eyn groshn, dos gantse lebn geklibn geklibn, geklibn geklibn
― un same inmitn... geshtorbn. meyle, geshtorbn ― geshtorbn.
|
געשיכטע נומער זיבעצן
באַשערט אַן אומגליק
ברײטלעך און געלאַסן, מיט געפּערלטע װערטער, האָט אונדז
דערצײלט אַ מעשׂה, טאַקע פֿון זיך אַלײן, אַ שײנער ייִד מיט אַ שבתדיקער
קאַפּאָטע און מיט אַ ברײטן דעניק אַפֿן זײַדענעם קאַשקעט און מיט אַן
אױסגעצװאָגן פּנים, אַביסל פֿאַרזאָרגט און מיט קנײטשן אַפֿן ברײטן
װײַסן שטערן:
― אַז ס'איז באַשערט, הערט איר, אַן אומגליק, טרעפֿט דאָס אײַך
גלײַך אין שטוב אַרײַן. איר מעגט זײַן מיט אַכצן קעפּ, װעט איר זיך
פֿון דעם נישט אױסבאַהאַלטן. איך בין מיר, װי איר זעט מיך, אַ ייִד
אַ ספּאָקאָינער, אַ רויִקער, כ'פֿלי נישט, כ'לױף נישט, כ'האָב פֿײַנט
קהלשע געשעפֿטן, איך אַנטלױף פֿון גבאָות, סנדק, חתן־בראשית, דאָס,
יענץ, וכדומה.
קיצור, דאַרף זיך טרעפֿן אַ מעשׂה, באַ אונדז אין שטעטל איז
געשטאָרבן אַ ייִד, „מנשה־גױ“, װאָרעם ער איז געװען, זאָל ער מיר מוחל
זײַן, אַ פּראָסטער נפֿש, נישט געקאָנט כּמעט דאַװנען, װי זאָגט מען עס,
קײן צלם פֿאַר קײן אַלף, נישט לײענען, נישט שרײַבן, נישט דאָס, נישט
יענץ, וכדומה.
קיצור, אַ פּראָסטער שלש־סעודות, נאָר אַן ערלעכער מענטש, אַן
אָרנטלעכער ביז גאָר; דאָס װאָרט איז געװען הײליק, יענעמס קערבל
קודש־קדשים, און קאַרג, קאַרג! ― זיך לאָזן אַרױסנעמען בײדע אױגן
פֿאַר אײן גראָשן, דאָס גאַנצע לעבן געקליבן געקליבן, געקליבן געקליבן
― און סאַמע אינמיטן... געשטאָרבן. מילא, געשטאָרבן ― געשטאָרבן.
|