די באָבע
אַמאָל ---
אַ בױדעם-שטיבל,
אַ לעמפּל,
אַ תּחינה ---
און די באָבע;
מיט באַקן, צעקנײטשטע.
די ליפּן --- בלױע,
די באָבע, די אַלטע ---
אַמאָל ...
און הײַנט ---
די באָבעניו שײַנט
אַרױס פֿון פּאַרלאָר
באַפּוצט און באַשמירט.
די באָבע -- די יונגע
װי שײן געצירט!
דאָך, אין איר מאַסקע,
די באָבע, די ליבע ---
די באָבע, די זעלבע ...
די תּחינה --- אין אַלמער ---
אַלט און פֿאַרגעלט;
דאָס קול פֿון אַמאָל
אין שטוב בײַ מיר פֿעלט ...
נאָר אױגן --- די זעלבע ---
אױך זײ בעטן גאָט:
זײ בעטן פֿאַר קינדער
אױף יעטװעדער טראָט.