farkirtst un ibergezetst: redaktsye (sh"b)

dem 10tn yuli 1998, ven Doved fram iz nifter gevorn tsu finf un akhtsik yor, iz antshvign gevorn eyner fun di khoshev|ste un blaybikste yidish-poetn fun dorem-afrike. tsum hundert|stn yoyvl fun zayn geboyrn vern iz a koved fortsushteln an byografishn un kritishn iberblik fun zayn lebn un shafn, bshas di tsol farblibene yidish-poetn vert vos a mol klener.

khuts zayn geboyrn-ort, di lite, iz der poet geven b|emes bakvem, b|meshekh zayn paynlekhn na-v|nad, nor in london. zayn farshtorbene tsveyte froy, pamela, iz geboyrn gevorn un hot zikh oyfgehodevet in london --- un khotsh dos porfolk hot davke farbrakht zeyer gants ziveg-lebn in dorem-afrike, hobn zey keseyder geredt fun london, veyniker vi fun zeyer heym vi fun zeyer glik. nor vos tut got? Doved framen vet men grod gedenken vi der khoshev|ster yidish-poet fun afrike. zayn dikhtung, vi zayn bateylikn zikh in gezelshaftlekhn, politishn, un artistishn lebn fun zayn adoptirter heym, shpiglt op yene koykhes vos hobn shturemish geforemt dem ra|yon. frams shafn hot mit zikh forgeshtelt a rirndikn moshl funem gloybn fun makhnes yidn imigrantn in dorem-afrike, vos hobn geshtrebt oyftsushteln an afrikaner ,,goldene medine.'' dakht zikh ober az der yeyesh hot di teg di eyberhant iber der hofnung. shoyn mer vi a yortsendlik vi dorem-afrikanishe yungvarg emigrirt kedey tsu zukhn zikh zeyere glikn. dos redl, heyst es, hot zikh shoyn vider ibergedreyt. azoy vi in der lite, a kloymersht|ike mokem-menukhe, dermont men zikh haynt oykh in dorem-afrike vi in geboyrn-ort fun a durkhgefalenem tsuzog. di dozike ironishe iber|khazr|ung fun der geshikhte git tsu nokh mer troyer tsum antoyshstn refreyn vos gefint an opklang in frams shafungen:

ikh hob gemeynt, az do vel ikh gefinen shoyn mayn ru,
az do veln derfirn mikh di teg,
az s'vet mikh mer nit onlokn der veg
tsu voglen vayter, ergets andershvu.

un vider benk ikh mid nokh shtiler, vayser ru.
ikh hob gemeynt, az lib vet zayn mir hige erd.
iz ober fun dos nay mir vandern bashert
un zukhn nokh a treyst in ergets andershvu.[1]

geboyrn gevorn in ponevezh in 1903, hot fram bakumen a traditsyoneln khinekh. baym oysbrokh fun der ershter velt-milkhome, ven a gezeyre hot fartribn di yidn fun tkhum-h|moyshev, hot men farshikt fram un zayn mishpokhe keyn samara, rusland. dort hot er zikh gelernt in der rusisher gimnazye, vu er hot zikh gedrukt tsum ershtn mol tsu 18 yor in a studentishn zhurnal, oyf rusish. in 1922 iz er arayn in der yidisher gimnazye in vilkomir. dort hot er gevoynt un gelernt baym groysn lingvist yudl mark, vos hot oyf mashpiye geven af zayn shafn. er hot zikh gedrukt in a tsol zhurnaln, nor aroysgetrotn iz er oyf an emes far der alveltlekher yidisher poezye in 1927, mit zayn poeme ,,r' yoshe in zayn gortn'', in nyu-yorker tsaytshrift ,,oyfkum''. [2]

in 1926 iz fram avek keyn frankraykh, vu er hot zikh gefunen mit zayne fir shvester --- koydem in tuluz, dernokh in pariz. nor oykh dort hot er nit gefunen keyn ru, un in 1927 hot a feter in yohanesburg im tsugeshikt a shifkarte oyf ahintsuforn tsu im. azoy arum hot afrike zikh tsuge#eygnt eynem fun ire greste loyb|zingers oyf yidish, kemat el-pi tsufal.

framen hot tkheyles shokirt un tsetreyslt di boylet|e kontrastn fun zayn nayem arum. gold un zunenshayn, eynsof|ike bloye himlen, di ofitsyele diskriminatsye tsvishn vayse un shvartse --- di ale hobn farshtarkt zayn benkshaft nokh di veykhe landshaftn un tsarter heymishkayt fun der lite. in ershtn lid vos er hot ongeshribn in dorem-afrike, ,,vert den gringer derfun?'', drikt oys der poet a gepaynikte visikayt fun der akhzoryes|diker umglaykhkayt tsvishn di rases, vos iz kharakteristish far der vayser shlite iber dorem-afrike:

vert den gringer amol, az gebentsht iz dos land
mit a zuniker gob --- glaykh an ofener hant,
vos tseshenkt un tseteylt, un farteylt, un tseshit
mit a koyf, on a mos un fun keynem bahit?

un fun sheyfe un gob, fun tsekvolener erd
iz nisht alemen glaykh tsu genisn bashert,
un der, vos farzeyt un vos shaft un vos boyt ---
iz bagrenetst in zun un ba|avl|t in broyt .

iz den gringer derfun, az es tsaytikt di troyb,
un es gildert a shtral vu-nisht-vu af a shoyb? ---
az af shoybn a sakh iz farloshn di zun,
vert den gringer derfun? [3]

fram hot shtark gebenkt nokh zayn geboyrn-ort, un getroyert dernokh in filtsolike lider. in eynem, vos derfun nemt zikh der titl fun zayn letster zamlung, dermont zikh der poet in zayn farshvundenem lebn oyf der farm fun zayne kinder-yorn:

af mayn dakh hot amol nokh getsvitshert a shvalb,
un in shtub hot geshmekt mit tsufridenem broyt,
un in shtal hot der friling geboyrn a kalb,
un in kleyt hot gefoylt nokh faryoriker kroyt.

umetum, yeder trot, yeder eyntsiker shpan
hot gekvoln mit zun un geotemt mit freyd.
afn taykh iz gefaln farnakht a tuman,
un mit varemer erd hot fun felder geveyt [4].

khotsh bay framen iz di lite geven b|emes ayngebakn in hartsn, un es hot im shtark badoyert zayn nayer oyfgetsvungener goles, hot zayn shaferishe beygevdikayt im tsugeshtelt, in yeder nayer svive, a frishn kval inspiratsye. b|meshekh zayne yorn hot er zikh gepruvt tsubindn tsu afrike, say gezelshaftlekh, say artistish.

bshas di naye svive hot dem poet vos a mol mer arayngetsoygn, iz er gerirt gevorn fun kontrast tsvishn di landshaftn fun der lite un di fun afrike. di farbenkte lider zaynen farbitn gevorn fun di shtarke oprufn oyf hige imazhn, un fram hot zikh ernst genumen opgebn mit dem, vos iz shoyn gevorn zayn groyse ambitsye: tsu baraykhern di yidishe literatur, vi er hot gezogt meylekh ravitshn, mit a gantsn kontinent.

zayn ershte zamlung, ,,lider un poemes'', iz aroys in vilne in 1931. fun onheyb hobn zikh ongezen tsvey farsheydene poetishe netiyes. zayn natirlekher talant iz geven a lirisher, nor er hot oykh gefilt a shtarke neygung tsu der epopee, getribn fun a farlang tsu dekn a vos breytern layvnt mit filosofishe-sotsyologishe makhshoves. ken zayn az es hot im gedakht, az di lirik iz tsu an enge rem far di shtarke gefiln vos hobn in im geroysht. es shteyt im dokh keseyder far di oygn der riz Heym Nakhmen byalik, mit velkhn er hot zikh a kurtse tsayt adurkhgeshribn. der doziker impulsn-konflikt, un dos glaykhtsaytike zukhenish nokh a pasikn poetishn oysdruk, hot gehersht iber der shpeterdiker shafung frams, on keyn basheyd. nor fram hot baraykhert beyde zhaners mit zayn filzaytiker shafung, un dermit tsum ershtn mol arayngebrakht afrike in der yidisher poezye.

in di 1930er yorn iz er geven tsvishn di ershte mitglider fun ,,der eynhorn'', a gezelshaft fun yunge yohanesburger shraybers, molers un skulptorn vos hot zikh yedn nokhmitog getrofn in ,,ist afriken pavilyen'', a bakantn elegantn kafe, kedey zikh tsu teyln mit gedanken vegn shafn an eygenem zhurnal un grindn a literarishn klub.

fram hot shtark matsliyekh geven mit zayn shraybn. khuts zayn poezye, hot er oysgenumen mit tsvey operetes, un genug fardint dermit zikh tsu bazetsn in london in etlekhe yor arum. dertsu iz fram in der tsayt aktiv gevorn vi a yidisher publitsist un redaktor.

nor zayn umruikayt hot im nit opgelozt. er iz avek fun yohanesburg in 1934 oyf zayn ershtn vizit in london. hart farn oysbrokh fun hitlers milkhome, hot er zikh umgekert in dorem-afrike, vu er hot farbrakht di shvartse khurbn-teg. der doziker shrekiker peryod hot aroysgerufn tsvey fun zayne beste lider, ,,efsher'' un ,,dos letste kapitl'', beyde aroys in 1947 in london. ,,efsher'' nemt zikh fun oytobyografye, un molt oys yene gaystikn umru vos hot gefunen zayn droysndikn opbild in frams fizishe voglenishn. s'rov_ lid git zikh op mit dorem-afrike, un bashraybt di zikh-tsevaksndike vayse bahershung, befrat nokh der antdekung fun gold oyfn rif. der etsem titl fun lid drikt oys dem poet|s shtarke sfeykes iber der barekhtiktkayt fun ale ongenumene vertn. ,,dos letste kapitl'', vos fil haltn far zayn gerotnste verk, shtelt mit zikh for frams hazkore nokh di kedoyshem fun khurbn. in der kine nokh di yidn fun der lite vert dermont a fridndike, merstns mitishe, tekufe ven yid un goy lebn b|shutfes in bridershaft. der emes hot zikh aroysgevizn groylik andersh.

der poet, a tsetreyslter ibern khurbn fun zayn kholem, iz tserisn tsvishn der libshaft tsum land vu er iz geboyrn gevorn, un der moyre|diker aynzeung az zayne toyshvem --- take yene litviner-katoyln vos er hot gevolt rufn brider --- zaynen yidn-faynt oyf der zelber mos vi di daytshn, punkt azoy farraterish un merderish. derfar vert der poet opgeshnitn fun amol, un vet zikh eybik shvebn in der itstikayt, a paynlekhn kaf-hakeyle.

nit gekukt oyfn ineveynikstn umru, iz fram tomed geven shtark ibergegebn di tog-ayn tog-oysike realitetn fun gezelshaftlekhn lebn. dos tsukumen tsu der makht in 1948 in dorem-afrike fun der ,,afrikaner'' [vayser-rasistisher] natsyonaler partey hot avade aroysgerufn groys zorg bay di dorem-afrikaner yidn, tsulib di shtark antisemitishe aroyszogungen, say bshas say nokh der milkhome, fun afrikaner natsyonalistisher onfirers, amolike shtitsers fun hitler un di natsis, vos zaynen shoyn mitglider fun kabinet. ven der afrikans-poet un publitsist ignatyus motske hot in yuli 1948 geshribn in redaktsye fun ,,saut afrikan dzhuish tayms'', az yidn hobn nit vos moyre tsu hobn fun der nayer regirung, hot zikh fram opgerufn mit a shtarkn briv.

oysgelozt hot zikh, az in november 1948 hot motske farbetn framen ontsufirn mit der englisher baylage fun zayn nit-politishn afrikans-zhurnal, ,,horison'', vos --- zint zayn grindung in 1942 mit a tirazh fun 22,000 --- hot zikh geshtelt vi zayn tsil ,,der ideal fun rasn-tolerants un gute kavones'', mit artiklen ,,vegn di literarishe un artistishe oyftuen fun ale dorem-afrikaner felker --- mit a kivn zikh oyftsuklern eyner tsum tsveytn.'' nit gekukt oyf der tseshtererisher antoyshung vos er hot ibergelebt in der lite, iz fram geblibn bay zayn gloybn in der meglekhkayt fun der kultureler tolerants tsvishn yidn un goyem.

nor vi a sakh in dorem-afrike, iz der doziker ideal keyn mol nit mekuyem gevorn. doykhek in fondn hot nit gelozt vayter aroystsugeyn dem zhurnal ,,horison'', un di vayterdike politishe antviklungen in dorem-afrike hobn nit farmakht nor farbreytert dem ris tsvishn english- un afrikans-redndike vayse in dorem-afrike, punkt loytn farlang fun natsyonaln partey, vos hot militerish geshtitst di hegemonye fun di vayse ,,afrikaner''.

khotsh fram hot vayter geshribn hot er nokh alts nit gehat keyn ru. b|meshekh der milkhome hot er gehandlt mit brilyantn un persishe tepekher, durkh velkhe r'iz a shtik tsayt raykh gevorn un gevorn a farmer in hekpoort-ra|yon fun transval-provints. es hot gedakht, az er vet zikh dort bazetsn, vayl hekpoort hot mit zikh forgeshtelt a svive vos hot im benkndikerheyt dermont in zayn farmer-zeydn, vemes lebn er hot fareybikt in zayn poeme ,,baym zeydn''.

nor zayn gaystikn umru hot men nit gekent aynshtiln. di farm hot men farkoyft, un fram hot zikh ibergeklibn tsu zayn bruder in demoltikn rodizye, vu er iz gevorn a shpayz-fabrikant in salisberi (haynt harare). zayne perzenlekhe shverikaytn b|meshekh dem umruikn teyl lebn hobn fartift zayn farshtand fun di komplitsirtkaytn fun lebn in afrike. dem shvartsn, durkhoys a fremder in di oygn fun mizrekh-eyropeishn imigrant, derkent men vos a mol vayter vi der dreypunkt fun yeder oymer_ un oyse oyfn rizikn kontinent --- bekheyn iz avade pasik vos er iz gevorn in frams demoltike lider der tsentraler figur.

der poet bashraybt oykh oyf a lebedikn oyfn_ dem shteynerdikn bodn un di sreyfe|dike himlen. eygnartik in der yidisher literatur zaynen azelkhe lider, tsum ershtns aroys in di 50er yorn in ,,dorem-afrike'', vi ,,matabela'', ,,matatulu'', un ,,matumba''. dort tsum ershtn mol vern balebt dem kraal, dem assegay, dem knekhlring. in frams ferzn tretn dreyst aroys ale hoypt-shpiler oyf der dorem-afrikaner bine. zayn poeme ,,boeren'' khapt oyf a portret fun dorfishn vaysn ,,afrikaner'' [5], bshas der langer narativ ,,vilyam skot'' git op koved oyf a sensitivn oyfn_ di vayse, vos hobn zikh heldish geranglt tsu avansirn di gezelshaftlekhe un politishe antviklung fun shvartsn rov_ in dorem-afrike.

framen, a genoyeter fun zayn tsuzog tsu ravitshn, hot tomed tsugetsoygn di epopee --- arumtsukhapn gants afrike mit a lid. in hekpoort, in gor a pasiker svive, hot er zikh untergenumen tsu bashraybn di umruike geshikhte fun shvartse un vayse in dorem-afrike, un mapirn di batsiungen fun ,,afrikaner'' un yidn eyne mit di tsveyte, un mit dem prakht un groyl fun tunklen kontinent. tsum ershtns hot er b|deye gehat ontsurufn di poeme ,,volkns iber hekpoort'', nor dos ongeshribene trogt dem poshet|n titl ,,in afrike''. farendikt hot men nor tsvey opteyln fun di firgeleygte finf, nor di poeme vi zi shteyt un geyt farrekhnt men tsvishn frams impozant|ste un imazhn-raykhe ferzn, vos zayne rizldike lirik molt op oyf a shtarkn oyfn_ dos gezeens, gehert|s, un geshmekt|s fun der afrike vos der poet hot gor gut bakant nokh zekhtsik yor.

l|koved zayn akhtsikstn yoyvl in 1983, hot men aroysgegebn in yohanesburg, durkh a spetsyeln komitet, a zamlung fun ale zayne lider ongeshribene nokh der milkhome, untern titl ,,a shvalb oyfn dakh''. aroys|heybn darf men bazundersh fun der zamlung dem prakhtikn lider-tsikl ,,lider tsu a froy aza vi du'', vos an erekh a helft derfun drukt men in der doziker zamlung tsum ershtn mol [6]. der doziker tsikl libelider antdekt nokh an aspekt fun frams beste lider: a poezye vos iz vi lebedik mit a shtarker kombinatsye laydnshaft, pesimizm, un erotishkayt. aza gemish iz kharakteristish far zayn beste dikhtung un hot tsugetsoygn dem oyfmerk fun nit eyn iberzetser.

hot friling farshmekt
mit zayn eydlen tsvit,
s'hot shoyn der orandzh, der milgroym,
der eplboym ergets geblit.
raykh hot der tog zikh tsevaremt,
gegosn, gegosn mit gold.
blien hob ikh in der sho
oykh azoy vi der orandzh gevolt.
blien mit gloybn, mit yugnt,
mit varemer, zuniker freyd, ---
shtil nokh gefinen a ru
in dem veykhn geroysh fun ir kleyd,
trinken di besomem far|shiker|t
vos roykhlen zikh fun ire hor,
un af a vayl khotsh fargesn
dem emes fun nikhterer vor,
un af a vayl khotsh gefinen
a resht fun a zikhern shlof, ---
vern bagnedikt fun laydn
vi der farbrekher fun shtrof,
un nokh farnemen di sheynkayt
fun friling, fun zoybern tsvit.
zi iz gekumen mir treystn
mit laykhte, mit zunike trit. [6]

ven s'iz aroys di zamlung l|koved frams akhtsikstn yoyvl, hot a bakanter ge|tayne|t tsu im, az shvalbn zitsn nit oyf keyn dekher. khotsh demolt hot men gekent gring entfern der#oyf az bay Doved framen oyfn dakh zitsn zey yo, iz di tayne nit-b|kivn|dik a barekhtikte l|gabe frams stabile poetishe interesn. nit shoyn zhe zaynen zey di khaloymes fun di kinder-yorn, di zikhroynes fun der lite, der balibter un farloyrener? zikher nit. der emes|er iker fun frams lider iz es der payn un der elnt, agmas-nefesh un nit-derredtkayt:

vil ikh zingen mit di shtilkayt
in mayn soydes|fuln heykhl;
efsher vet di nakht mir shenken
far mayn lid a vaysn shmeykhl. [7]

zingendik mit der shtilkayt, vet Doved fram zikh arayn|ganv|enen, vi eyner fun di letste shtimen fun yidishn romantitsizm, in der poetisher visikayt fun zayn shprakh un zayn folk.

dankvort un apel

a hartsike dankshaft far eytses un pleytses in mayn forshung vil ikh opgebn mr. artur markovits z"l, vos iz geven Doved frams a noenter khaver fun poet|s ershtn onkum in dorem-afrike biz zayn toyt. di esey iz an ershtiker onvarf fun a breytern byografisher-kritisher shtudye fun Doved frams lebn un shafn, vos ikh arbet vayter deroyf. ale bayshtayern tsu un kritik fun der shtudye, fun di vos hobn gekent dem poet oder perzenlekh oder durkh di verk zayne, volt ikh gor hartsik oyfgenumen. shtark geshatst volt ikh oykh vosere nit iz naye byografishe protem, perzenlekhe anekdotn, oder prese-oysshnitn. bazundersh naygerik bin ikh oykh nokhtsushpirn di mekoyrem fun frams poezye, vos me hot nit arayngerekhnt in zayne tsvey hoyptzamlungen. faran a shtarke meglekhkayt fun aroysgebn a yoyvl-oysgabe fun frams gezamlte lider, mit an opklayb englishe iberzetsungen, un kh'volt zikh gefreyt tsu hern fun potentsyele shtitsers fun aza pro|yekt.

heores

1. fram, d. ,,ikh hob gemeynt az do vel ikh gefinen mayn ru'', in lider un poemes (vilne: Doved fram aroysgebung-komitet, 1931) zz 12-13.

2. dort, zz 91-99.

3. fram, d. ,,vert den gringer derfun?", dort, zz 5-6.

4. fram, d. ,,oyf mayn dakh hot amol nokh getsvitshert a shvalb'', in a shvalb oyfn dakh (yohanesburg: ka|yor, 1983), z 67.

5. dem yidishn tekst ,,boeren'' drukt men in lider un poemes, dort, zz 210-249.

6. fram, d. ,,friling'', in a shvalb oyfn dakh, z 9.

7. dem tsikl hot fram ongeshribn in di frie 30er yorn. der fuler tsikl khapt arum a zekhtsik lider, vos nit ale derfun hot men gehat b|deye aroystsugebn. a sakh hot men gemeynt vi satirishe oder erotishe etyudn, oder vitsn. [baal-ph fun artur moskovits z"l]