yisroyl nekrasov

iber velder, midboryes un gasn

iber velder, midboryes un gasn
geyen mentshn ahin un tsurik:
eyner ken nit gefinen keyn vaser
un an anderer hot nit keyn brik,

eyner ken nit farshteyn, vos tsu ton,
bay an andern iz alts gerotn,
eyner zet nokh a regn a zun
un an anderer --- luzhes un blote.


in a dorf

se hengt a tife nakht.
der magazin iz lang farmakht
un afn ganik shloft an alter vekhter,
a biksl af di kni.
kum tsu tsu im un gib a shlog in kop
un s'vet er
arop
fun ganik
af der erd.
se geyt im, az kh bin nit
keyn merder,
nit keyn ganef.
ikh gey farbay, un er hot nit derhert.


kh'hob lib, ven s'falt a shtiler veykher shney

kh'hob lib, ven s'falt a shtiler veykher shney,
di shtot iz luftik, kholem|dik un vays.
kh'hob lib tsu vartn, epes zol geshen,
nor vartn iz umzist, nito keyn nays.
af eybik iz di erd farshmidt in ayz.


trinken vaser fun fremde kvaln

trinken vaser fun fremde kvaln,
esn broyt fun a fremder erd,
eybik tsitern un farfaln
iz nit vert, ober s'iz bashert.

un baruikte, erlekh-frume,
veln shvaygn di nekhtike fraynd,
un mayn shokhn vet tsu mir kumen
mit a hak in der linker hant.