fun ,,meyarfoley hanoar'' (,,fun di tunklenishn fun di yunge yorn'')

fun mikhh-Yoysef berditshevski (1921-1865)

a labn broyt

kh'bin nokh geven a yingl demolt.

der tate iz geven a rov in an umgliklekher shtot un zayn hakhnose iz geven a kleyne. fun der mames tatn iz geblibn a kleyne yerushe vi an oys|halt, un nor dem protsent hob ikh bakumen yor-ayn yor-oys. es hot grod dos oysgeleygt zayn tsveyte froy tsulib ire kinder. keyn shlekhte froy iz zi nit geven bekhlal, nor zi hot geton vos s'iz ir geven tsum hartsn . . .

hot zi ayngeshport un undz gegebn tsu yedn shisl heys vaser, vos mir hobn getrunken in der fri un in ovnt, nor eyn shtikl honik, vos mir hobn derfun gelekt tsu bislekh tsvishn yedn zup.

me hot gezogt, az bay di gvirem iz men zikh noyeg tsu lozn dem honik tsegeyn in heysn vaser un trinken es ven s'iz zis. tsu mol, ven der tate hot zikh tsekrekhtst, hot di shtifmame im tsugegreyt dos vaser oyf aza ofn, un kh'hob im mekane geven . . .

in eyner a zumernakht, iz der samovar geshtanen oyfn tish, mit genug heysn vaser far alemen. nor di shtiklekh honik zaynen shoyn oysgeshept gevorn fun shtub. bloyz fun tsemolenem honik iz farblibn a bisl, un me ken im nit nitsn on arayntsuleygn im in heysn vaser arayn. hot zi undz nit gegebn keyn vaser in yener nakht.

di shtifmame iz gegangen in tsveytn tsimer. der tate hot gezen, vifl kh'vil dos heyse vaser, un er hot beshtike derloybt mir arayntsuleygn dem honik in eyn shisl.

kh'shling nokh dos zise, heyse vaser, un ot kumt zi on. zi falt arayn in kas, zi khapt oyf dos shisl heyse vaser un git es a gis oys oyf der podloge. kh'bin geshprungen fun mayn ort un gezidlt zikh. . .

der tate iz dershtoynt. kh'bin oykh dershtoynt oyf dem vos kh'hob opgeton. kh'hob gemuzt esn aleyn. di brider hobn zikh opgevaytert fun mir, me hot mikh arayngeleygt in kheyrem.

kh'bin a yingl geven, un kh'hob biz demolt gornit gevust fun keyn gefiln fun eynzamkayt. kh'hob derfilt dem veytik kegn mayn sheym, un kh'hob zikh tseshrign oyf di eltern.

un geven iz der tog, baym shprots tog bin ikh oyfgeshtanen un farlozt dem tatns heym.

kh'bin aroys in pustn feld oyser der shtot. in di zumerteg iz dos geven a fiterplats far di shvakhste fun der tsherede. in di vinterteg iz di groz geshtorbn un fardekt gevorn mit shney.

vintmiln zaynen dortn oykh geven, shoyn fun lang khorev|e, un oykh a shpilplats far kinder, ven zey zaynen fray fun kheyder in di ru-teg.

kh'bin gezesn oyf di trep. kh'hob nit gevust vu kh'gefin zikh. me hot mikh gezukht un nit gefunen.

hungerik bin ikh geven a gantsn tog, un oykh gefilt a min pakhed baym tseshpreytn zikh fun di ovnt-shotns.

kh'bin gezesn untern frayen himl un zikh tsugehert tsu der shtilkayt arum zikh. mir iz di zakh nit klor, un di nit keyn nekhtike gefiln hobn mikh geshtoysn. mir hot zikh gedakht, az di gantse mentshhayt iz farvisht gevorn, un kh'bin eyner aleyn.

plutsem hob ikh dershpirt bay mir ineveynik azelkhe gefiln fun rakhomem, rakhomem nit tsu fartrogn un on gornit vos zol im oys|hakn a veg. kh'hob oyfgehoybn di oygn, ersht a meydl vos kumt fun der tsherede mit ir tatns tsigl, vos geyt pamelekh. dos meydl iz a prekhtiks, ire oygn himl bloye un goldene hor vos bakroynen ir kop.

zi shteyt far mir mit in der prakht fun ir kheyn, leygt di hant arayn in koysh un derlangt mir a labn broyt.

nor eyn vort hob ikh gevolt ir zogn, un zi geyt gikh avek fun mir. kh'ze nokh ir shotn, un dernokh iz oykh dos nito . . . der glants iz gekumen un gegangen . . . dos ponem iz mir fintster gevorn, un kh'hob zikh tseveynt. -

farlofn zaynen fil teg mit di gilgulem fun zeyere gesheenishn, kh'hob say lib, say faynt gehat, un fil gezen. nor dem parshoyn fun yenem meydl iz geven der ershter vos kh'hob bagegnt in di teg fun mayn nishtikayt, un oykh zi vel ikh nit kenen fargesn . . .

hisgales

. . . biz yenem tog hob ikh nokh gegleybt in Sotn oyf halb, un im gemakht far a min khoymer. kh'hob im nit gezen mit keyn oygn fun guf, nor gelernt mir zayne vegn hobn say di sforem fun tatns shtub, say ikh aleyn.

der tate hot mir gelernt tsu zogn, az di gantse droysndike velt iz mayse-Sotn. . . . di erd iz der Sotn un alts vos vert gezen durkh di oygn iz nor mayse-Sotn. sheyne beymer, sheyne fiterpletser, sheyne felder, prekhtike velder - zey zaynen geven a min oygn-farkhapenish funem Sotn un zayn gehilf. got zol ophitn mir zoln nit hern zayn kohl; mir zoln farmakhn di oygn, mekayem tsu zayn vos shteyt geshribn: farmakht di oygn fun zen dos shlekht|s . . .

dos shlekht|s - dos iz alts vos me tut nit tsulib got borekh-hu un nit tsulib zayn eynikayt. dos shlekht|s iz nit keyn absolut|s, azoy vi dos gut|s iz nit keyn absolut|s; nor der Sotn vegt yede zakh tsum shlekhtn . . . er hersht iber alts un zayn hant ligt oyf alts . . .

demolt bin ikh nokh nit geven oyfgeklert, un kh'hob nokh nit geleyent keyn droysndike bikher; nor es hot zikh shoyn gehat oyfgevekt in mir di neytikayt tsu farshteyn un tsu filn. di bahaltene zakhn fun der velt hobn zikh in mir araynge|ganv|et . . .

in eynem fun yene teg, in mitn yenem zumer, hob ikh dershpirt dem prakht fun der sheynkayt. davke in yenem tog hob hot zikh geshtarkt mayn got|sforkhtikayt, un mir hot zikh farvolt tseklapn dem Sotn durkh groyser flaysikayt in lernen. ot zits ikh iber a groysn seyfer, un kh'kler in dem arayn, nor on tsu farshteyn dem taytsh fun di verter . . .

plutsem hot mikh farkhapt a gayst aroystsugeyn in droysn. kh'hob gezogt dem tatn, az kh'gey in krom arayn koyfn tint. nor shoyn geshtanen oyf yener zayt tir hob ikh zikh gekert fun veg. mayn geboyrn-shtot iz geven a kleyne, nor arumgenumen a groysn shetekh.

ot do, oyser di shtot-toyern, felder tvue - un oyfn kiniglekhn veg vos geyt dertsvishn shteyen shotnbeymer.

a loyter vintl rirt on di tvue, un kh'kukt zikh tsu tsum shpilenish fun di khvalyes.

di zun shteyt oybn in di hoykhe himlen. di natur iz oysgeshpreyt far mir - bay mir in hartsn vekt zikh oyf epes-vos . . .

plutsem gib ikh a ruf aroys, azoy tsu zogn: neyn! di himlen zaynen nit der Sotn! di zun iz nit der Sotn! un di beymer zaynen nit di kinder fun Sotn! di velt iz nit farfelsht gevorn funem Sotn.

kh'shtey a farplefter un an oyfgeregter. alts vos in mir derheybt zikh. ot do nem ikh arum a boym, kh'shtey oyf zayn shotn, kh'nem im arum mit ale royshenishn fun mayn neshome.

yidish: sholem berger