troym kats hendler
fun ir serye libelider ,,simkhe''

358
shabes, dem 4tn merts
far dir, simkhe|nyu, mayn blitsiker kristal

in oysbayt-floymark

kh'shpatsir
mit mayn khaver|te khashe,
mit ir un mit dir,
tsvishn lyustere vantlaykhter
vos glien mit zikhroynes
in a teater-rame
fun pirotekhnike shotns;
zikhroynes vos shaynen, blitsn,
blanken un bahitsn;
glantsn, finklen,
glimern un bashitsn;
brilyanteven, brenen,
flamen, un farnemen ---
tseshtraln zikh
durkhzikhtik, tsikhtik ---
iluminirn
mit dayn ponem,
dayne oygn,
dayne verter,
dayn guf;
un ikh ver tsurikgetsoygn,
gey nokh a mol
durkh undzere erter,
folg nokh dayn blitsikn kristal:
du bist umetum,
in di shtaln
mit burshteyn,
shishkabob,
zeygerlekh,
un penen ---

zi iz lebn mir,
ikh bin lebn dir.


365
fraytik, dem 21stn april
far dir, simkhe|le, mayn gringe geule

peysekh-makhshoves

bist mayn basherter,
mayn ziveg-min-h|shomayem,
mayn Moyshe-rabeynu
vos firt mikh fun mitsrayem.

koketish un poetish
trink ikh l|khayem
tsu undzer tsuzamenzayn
in dimyen|dikn yerushelayem.


377
donershtik, dem 27stn yuli
far dir, simkhe|shi, mayn rezervuar

yam-shpil

mir shpiln zikh mit shprakh,
i veltlekh i tanakh,
un lakhn a sakh.
mir shmuesn fun yidish
un "lokshn-koydesh",
oykh verter af goyish.

nekhtn hobn mir geredt
fun a yam-hintl,
a yam-ferdl,
a yam-khazir|l,
un andere bashefenishn
in yam-tifenishn.

vu du bist iz mayn yam-port,
in fantazye forn mir dort;
in ale zibn yam|en
zaynen mir yam-man --- yam-meydl
un tsien yenike tsuzamen,
nisht b|nshike.


383
dinstik, dem 12tn september
far dir, simkhe|le, mayn balibter kuntsn-makher

drotn-tentser

mir zaynen drotn-tentser
vos vetn af fayer ferdlekh
mit zaydene trit
fun mizrekh-mayrev un tsurik.

mir zhonglirn, gevinen,
gefinen fargenign
in libes freylekhn nign
un blaybn antshvign.

mir banayen keseyder
dem bager un di freyd
mit libinke verter,
hokus-pokus, un reyd.


384
donershtik, dem 21stn september
far dir, simkhe|shi, mayn baal-glik

mayn tshempion

di bet iz undzer shpilplats,
undzer atletish feld,
du bist mayn olimpisher sport|sman,
mayn tshempion-held.

a bisl akrobatik
mit shvartskintsleray;
fun tam-gan-eydn
tuen mir nisht sheydn.

mir'n zikh zupn vi heyse lokshn,
gliklekh vi di velt,
zikh ufesn vi tsuker-lekekh
in undzer sport-getselt.