Khayem beyder

dialogn

1.  a geshprekh mit mayn vey

--- ver bistu? --- ikh freg im. --- vos, hostu nisht derkent? er khripet: --- tsu kurts iz, vayzt oys, dayn zikorn! --- o, got mayner! --- tu ikh a patsh mit di hent, un oysfregn vayter ikh darf shoyn farshporn.

ot iber mayn kop, ot fun links, ot fun rekht|s, ot shtrekt er zikh oys, ot tsunoyfgeshrumpt vert er. er brumt --- un ikh veys nisht, tsi iz dos a krekhts, tsi gor a tayvlonisher efsher gelekhter...

ikh tu zikh a yog --- ot ahin, ot aher, a shveb in der heykh un a fal tsu der nider. kh'shtreng on dem geher --- nor im khapn iz shver: ot vert er antshtumt, un ot dunert er vider.

fustrit un fustrit --- vu ikh gey, vu ikh shtey, er lozt mikh nisht op, vi gehaltn in keytn. --- vos vilstu? --- farshteystu nisht? ikh bin dokh dayn vey, geshikt funem goyrl --- dikh shtendik bagleytn.

--- vos darfstu? ikh hob dir den veynik getsolt? azoy fil korbones ikh fleg dir dokh brengen... --- kh'darf gornisht... bloyz eyns itst fun dir kh'volt gevolt: du zolst nisht fargesn zolst eybik gedenken!..

ikh tu zikh a khap --- nor er iz shoyn nishto, vi gor oyf der emes|n volt er farshvundn... ikh ruf im nisht mer, vayl ikh veys --- er iz do mit eybikn vey un mit ofene vundn...

2. a geshprekh mit mayn harts

ot iz dos veykh, ot iz dos hart, ot shlogt es shtil, ot nemt es kokhn... s'tut vey dos harts, s'tut vey dos harts, vi s'volt nodlen dos geshtokhn.

s'tut vey...un vos zhe ton ikh zol, az nisht fun yene iz es laydn, vos mit a pil fun volidol men kon a bisl dos farredn?

a ris. a shtoys untern dikh --- un s'vert in eygn blut dervorgn... vos tustu? konstu den in zikh araynnemen azoy fil zorgn?

--- dayn dayge, --- kh'freg es, --- yenems payn? vos geyen on dir fremde trern? ... nor neyn --- es ken nisht ruik zayn: es brit, es zidt, es vil nisht hern.

durkh taykhn s'shpant, durkh breg es geyt, durkh kontinentn un durkh yam|en, vu nor an avle --- iz es greyt zikh shlogn mit der velt tsuzamen.

di blat --- a shlayder oyfn dil, dem televizor --- oysgeshlosn. a sof! an ek! un ot iz shtil --- keyn pips, keyn klang, keyn reyd, keyn shosn.

nor say vi say es git di shmarts a gli mit fiberdikn tsapl. s'tut vey dos harts, s'tut vey dos harts, s'baruikt zikh nisht af keyn kapl.

vi groys di velt iz --- s'filt un hert. un ale mol mit sharfkayt nayer: vi s'roysht der vint, vi s'kokht di erd, vi s'shturemt ergets nokh a fayer.

fun velkhn shtof iz dos gemakht, az alts azoy s'zol kenen flien? ... s'tut vey dos harts, s'tut vey dos harts, un kh'ken dem veytik nisht antshtiln...

3. a geshprekh mit der khnife

ikh veys, vi falsh un mis iz di makhesheyfe ot di alte, nor alts di pruvt nokh lakrets zis a kush ton mikh mit lipn kalte.

ikh trayb zi op, kh'farmakh di tir --- zi shtupt arayn zikh durkhn fentster, zi reytst, zi khanf|et zikh tsu mir: --- du bist der bester, bist der shenster!..

--- nu, zay zikh moyde, --- umfarshemt, zi vorket mit a kohl a toybn, --- du host dokh lib, ven dikh men nemt in ponem lashtshen zikh un loybn!..

--- avek! --- ikh shlayder zi aroys, --- du tshepe op zikh, falshe brie! ... nor khutspe|dik zi lakht mikh oys: --- ikh bin --- kha-kha! --- nokh a metsie!

ikh hak ir oys di foyle tseyn, kh'tseshpalt ir tsung, kh'tseplet ir sharbn... nor nokh a mol zi kumt tsu geyn un nemt mikh laydnshaftlekh vargn.

--- kh'bin eybik! --- ganeyv|ish klingt ir kohl, --- un khotsh getadlt un getribn men hot mikh, --- zestu --- vi fil mol, biz haynt a skhoyre kh'bin geblibn!

--- du laygst! --- ikh shray. --- es ken nisht zayn!... un kh'ver mit mayn geshrey dervorgn. ... ikh khap zikh oyf... mit heler shayn tsu mir es shmeykhlt der frimorgn.