an alter briv

fun beyle shekhter-gotesman

pruvn leyenen dem alt-altn ksav
vi greykhn tsu fartunklte khmares aroyf.
umzist di moyekh-akrobatik,
loz gikher dem nign rinen,
dem ritem shtromen,
der sod fun di shures,
dos kohl hinter di oysyes,

zol aleyn zikh antplekn.

un --- opgevisht shoyn dem nepl fun
yenem fargeltn bletl,
tseefnt zikh der shifer
fun koym derhertn gered,
sheptshet mit onvunk un remez,
mer a derfil tsvishn di shures,
a shier nisht dershtikter ruf:
"tokhter, nem mikh aroyf!"
s'iz shpet di sho, ikh kuk aroys,
in shvartser nakht flit epes vays.

s'a papirl tsetrogn hefker in vint,
a brivl, a mames shturem-gemit.
di oysyes shotenen nokh mit gebet:

"mir zaynen geven in tsaytgelaf,"
farkrist in kholel a langstiker ksav.