a kleyn yingl iz amol arayngegangen in kikh un hot gezen vi es brot zikh a katshke. hot er opgerisn eyn polke fun der katshke un hot opgegesn. shpeter iz di mame arayn in kikh, zet zi, az es felt a polke fun der katshke, hot zi farshtanen, az der yingl hot dos gemakht. iz zi arayn in shtub, un hot gefregt dem yingl, oyb er hot genumen di polke. zogt der yingl, az er veys fun keyn zakh nit. iz di mame gegangen un hot dertseylt di mayse dem tatn. der tate hot nit gemakht keyn lange gesheftn, un genumen dem yingl un hot im gefregt, far vos er hot opgegesn di polke. zogt der yingl: "ikh hob nit genumen keyn polke.'' - "vos heyst, du host nit genumen? vu-zhe iz di tsveyte polke?'' - "di katshke hot gehat in gantsn eyn polke.'' iz der tate gevorn in kas un hot gegebn dem yingl di bitere shmits. gornit!
es iz avek a por teg, iz der tate amol gegangen mitn yingl shpatsirn. afn veg hot der yingl gezen, vi es shteyt a katshke af eyn fisl, di ander fisl hot zi gehat farhaltn in di federn, azoy vi teve fun litvishe katshkes iz. hot der yingl dos gevizn dem tatn un hot im gezogt: "zest, tate, ot di katshke hot oykh nor eyn polke, - to farvos hostu mikh demols geshmisn, az ikh hob gezogt az di katshke hot in gantsn eyn polke?'' hot der tate genumen un hot mitn shtekn avekgetribn di katshke, un hot gevizn dem yingl vi di katshke iz avekgelofn af beyde fiselekh. zogt der yingl: "to farvos hostu yene katshke nit opgetribn mitn shtekn, efsher volt zi oykh gekrogn nokh a polke!''